MOSAICO DA MEMORIA NO CONCELLO DE MIÑO

 

Con motivo da conmemoración do 8 de marzo o Concello de Miño aposta por unha actividade artística que pon en valor a historia das nosas mulleres referentes: avoas, nais, tías, mestras, amigas, etc.

Os obradoiros levaranse a cabo o venres seis de marzo no Centro Social de Callobre e no Centro Social de Ponte do Porco poñendo especial énfase en dar voz e visibilidade á muller labrega e á muller do rural. Con esta actividade que implica á veciñanza das parroquias e do concello compartimos a historia das nosas nais, avoas e tantas mulleres invisibles.

Como colofón o día 8 de marzo celebrarase unha exposición na que poderemos ver e falar acerca da experiencia así como do resultado; un mosaico de historias do noso pasado, das nosas raíces. Ao evento asistirán autoridades do Concello, participantes dos obradoiros, veciñanza e a artista Dores Polo artífice desta obra.